Авторларға арналған ережелер
Журнал редакциясы бұрын жарияланбаған мақалаларды қабылдайды. Мақала электронды форматта (.doc, .docx) ұсынылады, материалдар қазақ, орыс, ағылшын тілдерінде қабылданады.
Журналдың бір нөмірінде автор бірлескен авторлықты қосқанда бір мақаладан артық жариялай алмайды. Бір мақала авторларының саны 3 адамнан аспауы тиіс. Күнтізбелік жылда бір автор бірлескен авторлықты қосқанда 2 мақаладан артық жариялай алмайды.
Магистрант немесе докторант (ғылыми дәрежелі бірлескен автор болмаған жағдайда) беріліп отырған мақала бойынша туынды түрде ғылыми жетекшісінің сын-пікірін ұсыну қажет.
Негізгі мәтін көлемі (тақырыптан, авторлар туралы ақпараттан, аңдатпа, түйін сөздерден, әдебиеттер тізімін қоспағанда) 10-15 беттен тұратын ғылыми мақала (.doc, .docx фарматтарында) журнал сайтындағы мақалалар жіберу жүйесі арқылы редакцияға жеткізіледі. Мақаланың ашық баспасөзде жариялануы мүмкін екендігі туралы сараптамалық қорытынды (здесь ссылка на скачиваемую форму) қоса жіберілуі керек.
Шрифт – Times New Roman. Кегль – 14 пт. Туралау – мәтіннің ені бойынша. Жоларалық интервал – бір аралық. Абзац – 1,25 см. Өрістер: жоғарғы және төменгі – 2 см; сол жағы – 3 см және оң жағы – 1 см.
Формулалар
Формулалар құру кезінде Microsoft Equations 1.0-3.0 қолдану ұсынылады – Insert – Formula командасының көмегімен формулалармен жұмыс жасаңыз.
Формуланың өлшемдері ені 16 см және биіктігі 24 см-ден аспауы тиіс. Шрифт: Times New Roman, 14 пт.
Формулалардың нөмірленуі мәтін бойынша бір-бірімен қиылысу қажет. Мақаланың негізгі мәтіні формуладан оны бергенге дейін және одан кейін бір бос жолмен бөлінеді. Формулалардың нөмірленуі оң жақ шетіне, ал формула ортасында орналасады. Барлық айнымалылардың шифры шешілуі керек.
(1)
мұнда, уi – i уақытындағы y айнымалысының мәні;
хi – i уақытындағы x айнымалысының мәні;
µi – i уақытындағы айнымалы мк мәні;
αk, βk – x және y коэффициенттері;
εi – i уақытындағы бос коэффициенттің мәні;
k – мерзімдік кешіктірілу.
Суреттер мен кестелер
Суреттер (графиктер, диаграммалар) және кестелер мәтінде нөмірленіп, атауы көрсетіліп (Мысалы, 1-сурет – сурет атауы) және ескерту (12 пт.) ретінде дереккөзі беріледі (Мысалы, Ескерту – […] дереккөзі негізінде автор(лар)мен құрастырылған). Кестелер / суреттер нөмірленуі мәтін бойынша бір-бірімен қиылысуы қажет. Суреттер кестелерден тәуелсіз нөмірленеді. Суреттер (графиктер, диаграммалар) мен кестелер мақаланың жалпы көлемінің 20 %-нан аспауы тиіс.
«Кесте», «сурет» сөздері қысқартусыз толығымен жазылып, сызықшадан кейін атауы беріледі. Сурет көлемі ені 16 см; ұзындығы 24 см.-ден аспауы қажет. Суреттердегі жазылымдар мөлшері 9 пт. Мақала мәтінінде әр кестелер мен суреттерге сілтемелер болу міндетті.
Сурет атауы оның астында орталық туралаумен (Times New Roman 14 пт) беріледі.
Сурет 1 – Қазақстанға ТШИ ағымы мен қоры
Ескерту – […] дереккөзі негізінде автор(лар)мен құрастырылған (12 пт)
Суретте берілген барлық қысқартылған сөздер ескертуде немесе мақала мәтінінде ашылып жазылады (Ескерту – ТШИ – тікелей шетел инвестициялары; Тікелей шетел инвестициялары (одан әрі – ТШИ).
Кестелер
Кесте құру барысында Word немесе Excel мүмкіндіктерін пайдалану қажет. Қолдан құрастырылған кестелер (сөзаралық кеңістік арқылы) қолданылмайды.
Кестелерді рәсімделуі: кесте атауы оның үстінде жолдың сол жақ бетінен абзац қойылмай (Times New Roman 14 пт.) беріледі. Кесте бойынша қосымша ақпарат 12 пт. Мөлшерінде жазылады. Кесте нөмірінен кейін сызықша арқылы кесте атауы бас әріптен бастап жазылады.
1-кесте – Атауы ...
Ескертулер кесте астында беріледі.
Кестедегі өлшем бірлігі SI Халықаралық бірлік жүйесімен сәйкес көрсетіледі. Кестедегі барлық берілгендерге қатысты өлшем бірлігі кесте атауында көрсетіледі. Соңғы біріктірілген кесте жолында міндетті түрде берілген мәліметтердің дереккөзі ескертуде көрсетіледі. Мысалы, Ескерту – [6] дереккөзі негізінде авторлармен құрастырылған.
1-кесте – Орта мерзімді болашақтағы бюджеттің орындалу көрсеткіштері
№ | Бюджет бабының атауы | Бекітілген көрсеткіш (долл.) | Нақты көрсеткіш (долл.) | 4-тармақтың 3-тармаққа қатынасы (%) |
1 | 2 | 3 | 4 | 5 |
1 | Кірістер, соның ішінде: | 10 738 973 554 | 13 175 302 900 | 22.68 |
- | салықтық түсімдер | 7 218 206 719 | 9 145 100 500 | 26.69 |
- | салықтық емес түсімдер | 174 459 242 | 379 170 300 | 117.34 |
- | Негізгі капитал сатылымынан түскен кірістер | 68 992 509 | 146 432 200 | 112.24 |
- | Трансферт түсімдері | 3 277 315 084 | 3 504 600 000 | 6.93 |
2 | Шығындар | 11 192 070 873 | 13 627 259 900 | 21.75 |
3 | Таза бюджеттік несиелеу | 226 039 805 | 118 737 900 | - 47.47 |
4 | Қаржы активтері операциялары бойынша сальдо | 967 995 696 | 1 017 880 400 | 5.15 |
5 | Дефицит | - 1 647 132 820 | - 1 588 575 300 | - 3.55 |
Ескерту – [6] дереккөзі негізінде авторлармен құрастырылған |
Ерекше маңызды және көлемді кестелерді қосымша ретінде беруге болады – мақаланың негізгі мәтінінен кейін. Қосымшалар берілу реті бойынша нөмірленеді. Міндетті түрде мақала мәтінінде қосымшаға сілтеме болуы қажет.
Мақала мәтініндегі барлық қысқартылған сөздер (ұйымдар атауы, әдістемелер, айнымалылар және т.б.) міндетті түрде бірінші қолданысында ашылып көрсетіледі. Мысалы, жалпы ішкі өнім (одан әрі – ЖІӨ).
Мақала құрылымы:
Жоғарғы сол жақ бұрышта МРНТИ коды (http://grnti.ru/) көрсетіледі, келесі жолда – JEL Classification коды (https://cran.r-project.org/web/classifications/JEL.html) (қою қара шрифт, 14 пт.)
Бір жол тастап мақаланың негізгі мәтіні тілінде (қазақ, орыс, ағылшын; қалған екі тілде әдебиеттер тізімінен кейін беріледі):
1) Мақала тақырыбы (қою қара шрифт, 14 пт., туралауы – орталық бойынша). Мақала тақырыбы қысқартылған сөдерді қоспауы қажет.
2) Бір жол тастап автор(лар)дың тегі мен инициалдары беріледі Через одну строку представляются – инициалы и фамилия (қою қара шрифт, 14 пт.). Келесі жолда автор(лар)дың жұмыс орны мекемесінің / ұйымның толық атауы (аффилиация), қаласы, мемлекет көрсетіледі (қарапайым шрифт, 12 пт.). Туралау – орталық бойынша.
3) Бір жол тастап 150-200 сөздерден тұратын аңдатпа (14 пт., туралау – беттің ені бойынша) беріледі. Аңдатпа құрылымы келесі МІНДЕТТІ элементтерді қосады:
- зерттеу мақсаты
- әдіснамасы
- зерттеудің бірегейлігі / құндылығы
- зерттеу нәтижелері
- түйін сөздер – 4-6 сөздер немесе сөз тіркестері
Қаржыландыру көзі: Қаржыландыру көзі туралы ақпарат үш тілде (қазақ, орыс және ағылшын) «Алғыс» бөлімінде аңдатпадан кейін көрсетіледі.
Бір жол тастап мақаланың негізгі мәтіні келесідей құрылымда беріледі:
КІРІСПЕ
Зерттеу өзектілігі, әдебиеттер шолуы, зерттеудің негізгі тұжырымдары
ЗЕРТТЕУДІҢ НЕГІЗГІ БӨЛІМІ
Зерттеуде қолданылатын әдістер, зерттеу мақсатына қол жеткізу және қойылған міндеттерді шешу
ЗЕРТТЕУ НӘТИЖЕЛЕРІ (ҚОРЫТЫНДЫ)
Қорытынды, зерттеу нәтижелері және талқылау, ұсыныстар
Бір жол тастап – ӘДЕБИЕТТЕР ТІЗІМІ (кемінде 15 дереккөздер, олардың ішінде кемінде 30 %-ы халықаралық мәлімет базалары және / немесе шетелдік әдебиеттер болуы қажет). Әдебиеттер тізімін екі нұсқада беру қажет: біріншісі –ГОСТ 7.1. – 2003 сәйкес рәсімделген дереккөз берілген тілде (здесь ссылка на скачиваемую форму. Файл в папке 3), екіншісі – American Psychological Association (http://www.apastyle.org/) сәйкес рәсімделген роман әліпбиімен (транслитерация). Әдебиеттер тізімі олардың мақала мәтінінде қолдану тәртібі бойынша құрастырылады. Мақала мәтінінде тік жақша […] көмегімен әдебиеттер тізіміндегі дереккөздеріне сілтеме беріледі.
Бір жол тастап мақаланың тақырыбы, автордың (авторлардың) инициалдары мен тегі, олардың аффилиациясы, мақала аңдатпасы мен түйін сөздер екі тілде ұсынылады.
Бір жолдан кейін АВТОР(ЛАР) ТУРАЛЫ АҚПАРАТТАР: аты-жөні толығымен, ғылыми деңгейі, лауазымы, жұмыс орны (аффилиация), қаласы, елі, e-mail, ORCID (бар болса) көрсетіледі (14 пт.).
Жаңа бетте ҚОСЫМШАЛАР бар болған жағдайда беріледі.
Мақаланы редакцияға ұсынар алдында, редакторлармен авторларға арналған нұсқалықтармен танысуларыңызды сұраймыз:
